• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسلام آباد ہائیکورٹ؛ بشریٰ بی بی کی عمران خان سے ملاقات نہ کرانے پر رپورٹ طلب

آج کا اخبار
اہم خبریں
09 اپریل ، 2024
اسلام آباد (نمائندہ جنگ) اسلام آباد ہائیکورٹ کے جسٹس میاں گل حسن اورنگزیب نے بشریٰ بی بی کی بانی پی ٹی آئی عمران خان سے ملاقات نہ کرانے پر رپورٹ طلب کر لی اور ایڈووکیٹ جنرل آباد آفس کو فریقین سے مشاورت کے بعد عدالت کو آگاہ کرنے کی بھی ہدایت کی ہے، درخواست گزار وکیل عثمان ریاض گل نے کہاکہ ہم نے عدالتی حکم پر عمل درآمد کی درخواست دی ہے۔ جسٹس میاں گل حسن اورنگزیب نے کہا کہ توہین عدالت کی درخواست دائر کریں ، ہم کارروائی کریں گے ، کیسے عدالتی احکامات کو نظر انداز کیا جا سکتا ہے؟ وکیل نے استدعا کی کہ عید پر ملاقات کی اجازت دینے کا حکم دیا جائے ، یہ جیل حکام کے اختیار میں ہے۔ جسٹس میاں گل حسن اورنگزیب نے کہا کہ ایڈووکیٹ جنرل کو بلا لیتے ہیں ، پھر اس معاملہ کودیکھتے ہیں۔ دوبارہ سماعت شروع ہونے پر ایڈووکیٹ جنرل آفس سے سرکاری وکیل عبدالرحمن عدالت میں پیش ہوئے۔ عدالت نے کہا کہ عدالتی حکم پر عملدرآمد کیوں نہیں ہوا؟ متعلقہ حکام سے رابطہ کرکے آج ہی آگاہ کریں۔ چیف کمشنر آفس ، جیل حکام اور دیگر فریقین سے رابطہ کرکے عدالت کو آج ہی آگاہ کیا جائے۔
اہم خبریں سے مزید