فرمان الہی
نماز کے اوقات
لاہور (این این آئی) قومی ہاکی ٹیم اذلان شاہ ٹورنامنٹ میں شرکت کے بعد ملائیشیا سے وطن واپس پہنچ گئی، لاہور کے علامہ اقبال انٹرنیشنل ائیر پورٹ پر پرتپاک استقبال، کھلاڑیوں کیلئے 10،10 لاکھ کا انعام، رانا مشہود ، سابق اولمپئینز اور شہریوں کی بڑی تعداد نے استقبال کیا ، کھلاڑیوں کو ہار پہنائے گئے ۔ علامہ اقبال انٹرنیشنل ایئرپورٹ پر پرائم منسٹر یوتھ پروگرام کے چیئرمین رانا مشہود ، سابق اولمپئینز اختر رسول ، محمد ثقلین ، شہباز سینئر ، خالد حمید ، انجم سعید ، ملک شفقت ،محمد شفیق اور شہریوں کی بڑی تعداد نے قومی ہاکی ٹیم کا شاندار استقبال کیا۔اس موقع پر قومی ٹیم کے کھلاڑیوں کو پھولوں کے ہار پہنائے گئے اور ان پر پھولوں کی پتیاں نچھاور کی گئیں۔ایئرپورٹ پر گفتگو کرتے ہوئے کپتان عماد بٹ نے کہا کہ اس ایونٹ کے بعد پاکستان ہاکی کی بحالی ہو گی، نیشن کپ کی تیاری کے لیے 15تاریخ سے کیمپ جوائن کریں گے، انشا اللہ آہستہ آہستہ تمام چیزیں ٹھیک ہو جائیں گی۔انہوں نے کہا کہ فیڈریشن کا ویژن بہت اچھا ہے انشا اللہ ہماری ہاکی بہت آگے جائے گی۔
