فرمان الہی
نماز کے اوقات
کراچی(اسٹاف رپورٹر) اذلان شاہ ہاکی ٹورنامنٹ کے سلور میڈل نے قومی ہاکی ٹیم کے کھلاڑیوں کو لکھ پتی بنادیا،وزیر اعظم شہباز شریف نے ہر کھلاڑی کو دس دس لاکھ روپے دینے کا اعلان کیا ہے، اس سے قبل پنجاب حکومت نے20لاکھ روپے جبکہ مئیر کراچی مرتضی وہاب نے ہر کھلاڑی کو ایک ، ایک لاکھ روپے فی کس دینے کا اعلان کیا ، قومی سطح پر بھی قومی کھلاڑیوں کی کار کردگی پر خوشی کا اظہار کیا جارہا ہے،پی ایچ ایف کے حکام کا کہنا ہے کہ وزیر اعظم شہباز شریف نے قومی کھلاڑیوں کو ملاقات کے لئے بلالیا ہے جو رواں ہفتے متوقع ہے، جبکہ ہماری کوشش ہے کہ کھلاڑیوں کی آرمی چیف جنرل عاصم منیر سے بھی ملاقات کرائی جائے ،اس بات کا بھی امکان ہے کہ چاروں صوبوں کی حکومت کی جانب سے کھلاڑیوں کے اعزاز میں تقریب کا انعقاد کیا جائے گا۔
