فرمان الہی
نماز کے اوقات
کراچی (اسٹاف رپورٹر) آئرلینڈ کی کرکٹ ٹیم اگلے برس اگست ستمبرمیں پہلی بار پاکستان آئے گی ۔ پاکستان کرکٹ بورڈ کے چیئرمین محسن نقوی نے ڈبلن میں کرکٹ آئرلینڈ کے سربراہ برائن میک نیس سے ملاقات کی ۔ انہوں نے آئرلینڈ کا دورہ کرنے پرمحسن نقوی کا شکریہ ادا کیا، آئرلینڈ ٹیم کی شرٹ اور کیپ کا سوونیر پیش کیا ۔ ملاقات میں ویمنز کرکٹ ٹیموں کے درمیان بھی سیریز کرانے پر اتفاق کیا گیا۔ چیئرمین کرکٹ آئرلینڈ نے کہا کہ آئر لینڈ کی کرکٹ ٹیم اگلے برس اگست ستمبرمیں پاکستان آئے گی ۔ چیمپئنز ٹرافی 2025 کا پاکستان میں انعقاد خوش آئند ہے ، پاکستان نے ہمیشہ انٹرنیشنل ٹورنامنٹس کیلئے بہترین سکیورٹی فراہم کی ہے۔ محسن نقوی نے کہا کہ چیمپئنز ٹرافی میں سیکیورٹی سمیت فول پروف انتظامات کیے جائیں گے۔ آئرلینڈ میں پاکستانی ٹیم کو بہت سپورٹ اور پیار ملا۔ چیف ایگزیکٹو آفیسر کرکٹ آئرلینڈ وارن ڈیوٹروم اور دیگر اعلی حکام بھی اس موقع پر موجود تھے۔
