فرمان الہی
نماز کے اوقات
کراچی( اسٹاف رپورٹر ) ساؤتھ زون پولیس نے راولپنڈی غازیہ آباد سے اغوا ہونے والی دو لڑکیوں کو بازیاب کروا لیا،ڈی آئی جی ساؤتھ سید اسد رضا کے مطابق 14 مئی کو ڈیفنس تھانے میں 14 سالہ آمنہ بنت امیر حمزہ کو ایک ماسی لے کر آئی تھی،ماسی نے پولیس کو بتایا کہ وہ بچی کو گود لینا چاہتی ہے، پولیس نے بچی سے معلومات لیں تو اس نے بتایا کہ وہ غازیہ آباد راولپنڈی کی رہائشی ہے، راولپنڈی پولیس سے رابطہ پر معلوم ہوا کہ دو بچیوں کی اغوا کی ایف آئی آر غازیہ آباد تھانے میں سات ماہ پہلے درج کی گئی ہے،دوسری بچی کی معلومات لی گئیں تو معلوم ہوا کہ وہ ایک پرائیویٹ شیلٹر ہوم میں ہے،دونوں بچیاں آپس میں کزن ہیں اور دونوں کو ورغلا کر اغواء کیا گیا تھا،بچیوں کےمبینہ اغوامیں پنڈی کےایک بیوٹی پارلرکی مالک ملوث ہے۔
