فرمان الہی
نماز کے اوقات
کراچی(اسٹاف رپورٹر) پی سی بی اور پی ایس ایل مالکان پاکستان سپر لیگ میں دو ٹیموں کے اضافے پر متفق ہوگئے ہیں۔ اس طرح 2026 میں پی ایس ایل میں چھ کے بجائے آٹھ ٹیمیں ایکشن میں ہونگیں۔ پی سی بی اور مالکان نے دسویں ایڈیشن کے فائنل سمیت پلے آف میچز انگلینڈ میں کرانے پر مشروط اتفاق بھی کرلیا ہے۔ فرنچائزز نے بیرون ملک میچز کرانے میں نقصان پر پی سی بی سے ازالہ کی یقین دہانی مانگی ہے ۔ فریقین کے درمیان ور چوئل اجلاس میں 2025 کی ونڈو کو حتمی شکل دینے سے متعلق تبادلہ خیال کیا گیا۔ پی سی بی کا خیال ہے کہ ایچ بی ایل پی ایس ایل اور آئی پی ایل کے اپریل/ مئی ونڈوز میں ایک ساتھ رہنے سے کھیل، کھلاڑیوں اور شائقین کو فائدہ اور پھلنے پھولنے کا موقع ملے گا۔ اس دوران ہر فرنچائز کے ایک ایک کھلاڑی کو براہ راست سائن کرنے کے آپشن پر بھی تبادلہ خیال کیا گیا ۔ چیئر مین پی سی بی محسن نقوی نے کہا کہ سازگار ماحول ہونے پر پشاور اور کوئٹہ میں سپر لیگ میچز کرانے پرغور کیا جائے گا۔ پشاور اور کوئٹہ کو 2024-25 کے سیزن میں ڈومیسٹک میچز دے کر پاکستان کرکٹ کیلنڈر میں واپس لانے کی خواہش رکھتے ہیں۔
