فرمان الہی
نماز کے اوقات
پیرس (جنگ نیوز) فرنچ اوپن ٹینس میں سربیا کے نوواک جوکووچ نے پہلے رائونڈ میں فتح حاصل کرلی۔نوواک جوکووچ نے ہربرٹ کو تین سیٹ کے مقابلے میں ہرادیا۔ مردوں کے انفرادی مقابلوں میں یونان کے اسٹیفانو سٹسپاس ،جرمن اسٹار الیگزینڈرزویروف اور روسی ڈینیل نے پہلی رکاوٹ عبور کرلی ہے۔ سٹسپاس نے جرمنی کے ڈینیل آلٹمائر اور ڈینیل مدویدیف نے جرمن حریف ڈومینک کوپفر کو زیر کیا۔ دیگر میچوں میں ناروے کے کیسپر رڈ، امریکا کے ٹامی پال، امریکا کے ہی ٹیلر فرٹز، فرانس کے گیل مونفلس،بیلجیئم کے ڈیوڈ گوفن، ڈنمارک کے ہولگر رونے اور روسی ٹینس کھلاڑی کیرن خچانوف نے کامیابی حاصل کرلی۔ ادھر خواتین سنگلز میں قازقستان کی ایلینا ریباکینا، امریکی میڈیسن کیز اور بیلاروس وکٹوریا آزارنکا نے دوسرے رائونڈ میں جگہ بنالی۔
