فرمان الہی
نماز کے اوقات
کراچی(اسٹاف رپورٹر) پاکستان کرکٹ بورڈ کے چیئرمین محسن نقوی نے لندن میں انگلینڈ و ویلز کرکٹ بورڈ کے چیئرمین رچرڈ تھامسن اور چیف ایگزیکٹو آفیسر رچرڈ گولڈ سے ملاقات کی ۔ ملاقات میں حالیہ پاکستان انگلینڈ ٹی ٹوئنٹی کرکٹ سیریز اور اس سال کے آخر میں ہونے والی کرکٹ سیریز پر تبادلہ خیال کیا گیا ۔اکتوبر میں پاکستان میں پاک انگلینڈ ٹیسٹ کرکٹ سیریز پر بھی بات چیت ہوئی۔ انہوں نے چیئرمین انگلینڈ و ویلز کرکٹ بورڈ رچرڈ تھامسن کو پاک انگلینڈ سیریز پر پاکستان کے دورےکی دعوت دی۔ محسن نقوی نے آئندہ برس پاکستان میں چیمپئنز ٹرافی کے انعقاد کے انتظامات کے بارے آگاہ کیا۔انہوں نے بتایا کہ چیمپئنز ٹرافی کرکٹ ٹورنامنٹ کے لئے اسٹیڈیم کی اپ گریڈیشن کے کام کا آغاز کر دیا گیاہے اور پاکستان میں غیر ملکی کرکٹ ٹیموں کے لئے ہر لحاظ سے فول پروف انتظامات کئے جائیں گے۔ چیئرمین انگلینڈ و ویلز کرکٹ بورڈ نے چیمپئنز ٹرافی کے حوالے سے پی سی بی کے لئے نیک تمناؤں کا اظہار کیا۔چیف آپریٹنگ آفیسر پی سی بی سلمان نصیر بھی اس موقع پر موجود تھے۔
