فرمان الہی
نماز کے اوقات
کراچی (اسٹاف رپورٹر/ جنگ نیوز) امریکا کے ہاتھوں ٹی ٹوئنٹی ورلڈ کپ میں شکست کے بعد ٹیم میٹنگ میں ہیڈ کوچ گیری کرسٹن اور کپتان بابر اعظم خاصے جذباتی نظر آئے ،کئی کھلاڑیوں کے چہرے لٹکے ہوئے تھے، پریشانی عیاں تھی۔
پاکستانی ٹیم کی ناکامی عالمی میڈیا پر بھی چھائی رہی۔ میڈیا رپورٹس کے مطابق ڈیلس میں ہیڈ کوچ گیری کرسٹن غصہ سے سیخ پا ہوگئے، وہ کئی کھلاڑیوں کے نام بھی بھول گئے اور انہیں ’’اے مسٹر‘‘ کہہ کرمخاطب کرتے رہے۔
انہوں نے کھلاڑیوں کو کھری کھری سنائی، اور کہا کہ آپ لوگوں نے میرے بنائے ہوئے گیم پلان کے مطابق نہیں کھیلا، ابتداء سے ہی ہمت ہار دی تھی اور شکست کو سوار کرلیا۔
چھوٹی ٹیم سے سپر اوور کے بعد جیت بھی جاتے تب بھی بے عزتی کا مقام تھا۔
