فرمان الہی
نماز کے اوقات
کراچی (اسٹاف رپورٹر) پاکستان کرکٹ ٹیم کے ہیڈ کوچ گیری کرسٹن نے کہا ہے کہامید ہے کہ بھارت کے میچ میں کم بیک کریں گے ، روایتی حریف کے خلاف بہترین کھیل پیش کریں گے،عماد وسیم بھارت کیخلاف میچ میں دستیاب ہوں گے، فاسٹ بولنگ ہماری قوت، نیویارک کی پچ پر بیٹرز کو بہادری سے کھیلنا ہوگا۔ہفتے کی شب پریس کانفرنس انہوں نے کہا کہ میں ماضی پر انحصار نہیں کرتا،بھارت اور پاکستان کا مقابلہ ایک بڑا میچ ہے اور کھلاڑی کو اسکا اندازہ ہے، امریکا کے ہاتھوں پچھلی شکست کو بھلا کر اس میچ میں فوکس کرنا ہوگا،ٹی ٹوینٹی میں صورتحال تیزی سے تبدیل ہوتی ہے، ہمیں فیصلہ سازی میں پھرتی لانا ہوگی، کسی ٹیم کے یہاں دو چار میچز زیادہ کھیلنے سے کسی کو ایڈوانٹج نہیں ملتا، انہوں نے کہا کہ ایک دو پلیئرز کی فٹنس دیکھ رہے اس لئے ابھی فائنل الیون کا فیصلہ نہیں ہوا، کھلاڑیوں کو ایک دوسرے کا اندازہ ہے، ہمیں کنڈیشنز کے مطابق اپنا بہتر کھیل پیش کرنا ہے، اس میچ کیلئے کسی کو جوش دلانے کی ضرورت نہیں، جو دو روز قبل ہوا اسکو بھلا چکے، وہ ہوگیا، اب نیا میچ ہے، ہمیں بطور ٹیم اچھا کھیلنے کی ضرورت ہے، گیری کرسٹن نے کہا کہ ہماری قوت فاسٹ بولنگ ہی ہے، پاکستان اور بھارت دونوں کے پاس اچھے بولرز ہیں ،نیویارک کی پچ پر بیٹرز کو کافی بہادری سے کھیلنا ہوگا ۔
