لمس کے تحت ایم ڈی کیٹ کا انعقاد خطرے میں پڑ گیا

کراچی(سید محمد عسکری)سندھ میں لیاقت یونیورسٹی آف میڈیکل اینڈ ہیلتھ سائنسز جامشورو (لمس) کے تحت ایم ڈی کیٹ کا انعقاد خطرے میں پڑ گیا ہے سال 25-2024کیلئے لمس کو سندھ بھر کی نجی و سرکاری میڈیکل جامعات اور کالجز کے ایم بی بی ایس اور بی ڈی ایس کے ٹیسٹ (ایم ایڈ کیٹ) لینے اور داخلوں کی زمہ داری تقویض کی تھی جس کا نوٹفکیشن سکریٹری صحت ریحان بلوچ نے جاری بھی کردیا تھا تاہم لیاقت یونیورسٹی آف میڈیکل اینڈ ہیلتھ سائنسز جامشورو کے وائس چانسلر پروفیسر ڈاکڑ اکرام الدین اجن کا کہنا ہے کہ وہ رواں سال یہ ٹیسٹ نہیں کراسکتے کیوں کہ ان کا بیٹا بھی ایم ڈی کیٹ ٹیسٹ میں بطور امیدوار شریک ہوگا اور غیر جانبدار رہنے کے لیے یہ ضروری ہے یہ ٹیسٹ کوئی اور یونیورسٹی کرائے انھوں نے کہا کہ اس حوالے سے وہ سیکریٹری صحت کو خط بھی لکھ رہے ہیں کہ بیٹے کی ٹیسٹ میں شرکت کے سبب ایم ڈی کیٹ کی ذمہ داری کسی اور یونیورسٹی کو دی جائے۔ یاد رہے کہ ڈاؤ میڈیکل یونیورسٹی اور جناح سندھ میڈیکل یونیورسٹی ایم ڈی کیٹ ٹیسٹ کراچکی ہیں اب ٹیسٹ کرانے کی باری لیاقت یونیورسٹی آف میڈیکل اینڈ ہیلتھ سائنسز جامشورو کی تھی مگر اس کے وائس چانسلر بیٹے کی ٹیسٹ میں شرکت کے باعث ٹیسٹ لینے کے لیے تیار نہیں تو پھر پیپلز میڈیکل یونیورسٹی نوابشاہ اور لاڑکانہ میڈیکل یونیورسٹی میں سے کوئی ایک یونیورسٹی یہ ٹیسٹ کرائے گی۔