لاہور( جنگ نیوز)جنگ گروپ کے زیراہتمام پاکستان کی سب سے بڑی تعلیمی نمائش دی نیوز ایجوکیشن ایکسپو کا آغازآج لاہور ایکسپو سنٹر میں ہو گا، افتتاح صبح 11بجے کیا جائے گا نمائش آج 6 جولائی اورکل 7جولائی کو صبح 10بجے سے لیکر شام6بجے تک بغیر تعطل جاری رہے گی۔جنگ گروپ نے اپنی ہمیشہ کی روایت کو برقرار رکھتے ہوئے اس سال بھی تعلیم کو فروغ دینے اور طلبا اور طالبات کی رہنمائی کیلئے پاکستان کے مختلف شہروں میں تعلیمی نمائش کا انعقاد کیا ہے جس میں طلبہ و طالبات کی کثیر تعداد کے علاوہ مختلف شعبہ ہائے زندگی سے تعلق رکھنے والے حضرات بھی اپنے بچوں کے بہتر مستقبل بارے معلومات حاصل کرنے کیلئے شرکت کرتے ہیں۔طلبہ و طالبات اپنے تعلیمی کیریئر کے حوالے سے ہر سال بڑی بے چینی سے دی نیوز ایجوکیشن ایکسپو کا انتظار کر رہے ہوتے ہیں۔
فرمان الہی
نماز کے اوقات
