• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کسٹم کے 13 ملازمین کا بینظیر پروگرام سے گرانٹس لینے کا انکشاف

آج کا اخبار
اہم خبریں
06 جولائی ، 2024
اسلام آباد(تنویر ہاشمی)ایف بی آر کے محکمہ کسٹم کے13ملازمین کا بینظیر انکم سپورٹ پروگرام سے گرانٹس لینے کا انکشاف ہوا ہے، ایف بی آر نے کسٹم کے متعلقہ فیلڈ دفاتر کو ملوث ملازمین سے تمام رقم کی ریکوری کرنے اور سخت تادیبی کارروائی شروع کرنے کیلئے فیکٹ فائنڈنگ کمیٹی تشکیل دینے کی ہدایت کر دی ہے، ریکوری کے ساتھ ایک ماہ میں جامع رپورٹ جمع کرانے کے احکامات بھی جاری کر دیئے گئے ہیں، ذرائع کے مطابق بینظیر انکم سپورٹ پروگرام سے سرکاری ملازمین، ریٹائرڈ ملازمین اور ان کے شریک حیات کی جانب سے مستفید ہونے پر تمام محکموں اور وزارتوں سے ریکوری کرنے اور ملوث ملازمین کیخلاف کارروائی کرنے کی ہدایت کی گئی ہے اور اس حوالے سے تمام محکموں کو مراسلے جاری کر دیئے گئے ہیں، محکمہ کسٹم کے جو ملازمین بی آئی ایس پی سے غیر قانونی اور ناجائز طور پر مستفید ہوتے رہے ان میں کلکٹریٹ آف کسٹم کراچی کے گریڈ 16کے ویلیوایشن افسر محمد زمان جمالی، کلکٹریٹ آف انفورسمنٹ کراچی کے خادم حسین، پورٹ قاسم کے شیر محمد، کسٹم اپریز منٹ کراچی کیلئے رابن بوب، کسٹم انفورسمنٹ کوئٹہ کے لال دینا، عبدالمنان، کلکٹریٹ آف کسٹم حیدر آباد کے کفایت اللہ، ڈائر یکٹوریٹ آف آئی اینڈ آئی حیدرآباد کے عزیز اللہ، ارشاد احمد بھٹو، گوادر کے عبدالعزیز، لال محمد، پشاور کے شرف الدین، لاہور کے فضل احمد شامل ہیں۔
اہم خبریں سے مزید