فرمان الہی
نماز کے اوقات
کراچی( نصر اقبال، اسٹاف رپورٹر) ایشین چیمپئینز ٹرافی کے لئے قومی ہاکی کیمپ کے لئے کھلاڑیوں کا اعلان بدھ کو کیا جائے گا، پی ایچ ایف نےکھلاڑیوں کا فزیکل فٹنس ٹیسٹ بھی لینے کا فیصلہ کیا ہے جس کے لئے پاکستان اسپورٹس بورڈ کے ماہرین کی مدد لی جائے گی، ہاکی کیمپ کے حوالے سے قومی ٹیم کے غیر ملکی ہیڈ کوچ سے مشاورت مکمل کر لی گئیاور انہیں اس حوالے سے مکمل اختیار دے دیا گیا،حتمی ٹیم کے انتخاب کے لئے فوری طور پر کوئی سلیکشن کمیٹی نہیں بنائی جائے گی اور اسی فار مولے پر عمل کیا جائے گا جس کے تحت اذلان شاہ اور نیشنز کپ ہاکی ٹور نامنٹ کے لئے ٹیم کا انتخاب کیا گیا تھا، ایونٹ ستمبر میں چین میں کھیلا جائے گا ،بین الصوبائی رابطہ کے وفاقی وزیر رانا ثناء اللہ خان نے ایونٹ کی تیاریوں کے سلسلے میں پاکستان ہاکی فیڈریشن کو فنڈ جاری کرنے کی ہدایت کردی ہے، پی ایچ ایف کے سیکرٹری رانا مجاہد علی خان نے بتایا کہ ایشین ٹرافی کے لئے پاکستان اسپورٹس بورڈ سے بھی رابطہ کیا ہے جبکہ بعض نجی اداروں سے بھی اسپانسر شپ کے سلسلے میں رابطے میں ہیں۔
