• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلاول بھٹو زرداری پاکستان کا مستقبل اور مقبول ترین لیڈر ہیں،کرن بلوچ

میرا شہر
کوئٹہ
17 جولائی ، 2024
کوئٹہ(پ ر)پاکستان پیپلز پارٹی ویمن ونگ بلوچستان کی سیکرٹری اطلاعات محترمہ کرن بلوچ نےکہا ہے کہ پارٹی کے چیئرمین بلاول بھٹو زردوری پاکستان کا مستقبل اور مقبول ترین لیڈر ہیں، انہوں نے جس طرح کم عرصے میں اپنی قائدانہ صلاحیتوں کا لوہا منوایا ہے اس میں شہید بینظیر بھٹو کی تربیت کا بڑا عمل دخل ہے، انہوں نے کہا کہ ملک کے سیاسی مسائل ہوں یا حکومتی امور بلاول بھٹو زرداری اس میں بہترین کردار ادا کر رہے ہیں اور موجودو حکومت میں بھی عوام کےمسائل کے حل کیلئے ایک توانا آواز ہیں، انہوں نے کہا کہ بلاول بھٹو بلوچستان کے مسائل حل کرنے کیلئے بھی متحرک ہیں اور اسی لئے بلوچستان کو اہمیت دے رہے ہیں ، ا نہوں نے کہا کہ بلوچستان کے عوام کو بلاول کی شکل میں امید کی ایک کرن نظر آ رہی ہے ، یہی وجہ ہے کہ عوام نے فروری 2024 کے عام انتخا بات میں پیپلز پارٹی کو بھاری مینڈیٹ دیکر کامیاب کیا اور میر سرفراز بگٹی کی قیادت میں عومی حکومت قائم ہوئی ، انہوں نے کہا کہ چیئر مین بلاول اپنے ناناشہید ذوالفقار علی بھٹواوروالدہ شہیدبے نظیر بھٹو کے فلسفے کو آگے بڑھانے اور ان کے ادھورے مشن کی تکمیل کے لئے کوشاں ہیں اور یہ مشن غریب عوام کی خوشحالی اور فلاح و بہبود ہے۔
کوئٹہ سے مزید