فرمان الہی
نماز کے اوقات
کراچی(اسٹاف رپورٹر) انگلینڈ اوور-60 نے جمعہ کو لٹل بورو کرکٹ کلب میں پانچویں اور آخری ون ڈے میں پاکستان کو آخری گیند پر سنسنی خیز مقابلے کے بعد دو وکٹوں سے شکست دے دی اور سیریز تین ایک سے جیت لی جبکہ تیسرا میچ بارش کی وجہ سے منسوخ کر دیا گیا تھا۔45 اوورز میں 317 رنز کا مشکل ہدف ملا جو انگلینڈ نے آخری گیند پر یہ ہدف حاصل کر لیا۔ گراہم شا نے آخری گیند پر جیت کا سنگل لیا۔انگلینڈ کے کپتان، رچرڈ میریمین کو بہترین کھلاڑی کا ایوارڈ ملا۔پاکستان کے اوپنر ساجد علی نے شاندار 122 رنز بنائے۔صغیر عباس نے ناقابل شکست 110رنز بنائے۔ آخری اوورز میں جارحانہ بیٹنگ نے پاکستان کو 45 اوورز میں 316 رنز پر پہنچا دیا۔انگلینڈ نے رچرڈ میریمین (96 رنز 101 گیندوں پر) اور میل حسین (36 رنز 38 گیندوں پر) کے ساتھ محتاط آغاز کیا۔ پاکستان کے سنچری بنانے والے کھلاڑیوں، ساجد علی اور صغیر عباس کومیچ کا بہترین کھلاڑی کا ایوارڈ ملا۔پاکستان ٹیم کی قیادت سلیم ملک کر رہے تھے۔
