• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان ہائیکورٹ، وزیراعلیٰ کیخلاف توہین عدالت کی درخواست نمٹا دی گئی

میرا شہر
کوئٹہ
24 جولائی ، 2024
کوئٹہ(اسٹاف رپورٹر)بلوچستان ہائی کورٹ کے جسٹس محمد اعجاز سواتی اور جسٹس محمد عامر رانا پر مشتمل بینچ نے بلوچستان حکومت کے خلاف قانون ترجمان مقرر کرنے پر وزیراعلیٰ بلوچستان میر سرفراز بگٹی کےخلاف توہین عدالت کی درخواست کی سماعت کی ۔ سماعت کے دوران درخواست عبدالصادق خلجی ایڈووکیٹ ، ایڈووکیٹ جنرل بلوچستان محمد آصف ریکی اور دیگر متعلقہ حکام عدالت میں پیش ہوئے۔درخواست گزار نے موقف اختیار کیاکہ بلوچستان ہائی کورٹ کے چیف جسٹس نعیم اختر افغان کی سربراہی میں دو رکنی بینچ نے 26 جولائی 2023 کو اپنے فیصلے میں ترجمان بلوچستان حکومت، کوارڈینیٹرز، فوکل پرسن و کنسلٹنٹ کی تعیناتی کو غیر قانونی قرار دیا تھا مگر موجودہ وزیراعلیٰ بلوچستان سرفراز بگٹی نے عدالت عالیہ کے فیصلے کی خلاف ورزی کرتے ہوئے حب چوکی ساکران کے رہائشی ایک شخص شاہد کو ترجمان بلوچستان حکومت مقرر کیاہے جو بلوچستان ہائی کورٹ کے فیصلے کھلی خلاف ورزی اور توہین عدالت کے زمرے میں آتا ہے عدالت نے کہاکہ آپ نے اپنی درخواست میں بلوچستان ہائی کورٹ کے گزشتہ فیصلےکے تناظر میں بات کی ہے اس درخواست پر عدالت کے فیصلے پر تو اس وقت عمل درآمد ہوگیا تھا۔ اب آپ جو بات کررہے ہو یہ چونکہ ایک نیا معاملہ ہے آپ اگر چاہیں تو اس پر ایک نئی آئینی پٹیشن دائر کریں بعد ازاں درخواست کو نمٹا دیا گیا۔
کوئٹہ سے مزید