• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسرائیلی شہری وزیراعظم نیتن یاہو کے خلاف سڑکوں پر آگئے

آج کا اخبار
اہم خبریں
18 اگست ، 2024
کراچی(نیوزڈیسک)تل ابیب میں اسرائیلی شہری وزیراعظم نیتن یاہو کے خلاف سڑکوں پر نکل آئے اور غزہ میں اسرائیلی یرغمالیوں کی رہائی کا مطالبہ کردیا۔اسرائیل میں مظاہرین کی جانب سے نیتن یاہو کے خلاف ریلی نکالی گئی، مظاہرین نے ہاتھوں میں پلے کارڈز بھی اٹھا رکھے تھے۔عرب میڈیا کے مطابق مظاہرین نے اسرائیلی وزیراعظم کے گھر کے باہر خود کو باندھ کر غزہ میں یرغمال بنائے گئے اسرائیلی شہریوں کی فوری رہائی کا مطالبہ کیا۔ریلی میں شریک افراد نے نیتن یاہو کی پالیسیوں پر تنقید کرتے ہوئے حکومت سے انسانی بحران کے حل کیلئے مؤثر اقدامات کرنے کا مطالبہ بھی کیا۔اسرائیل میں مظاہرہ کرنے والے افراد کئی ماہ سے حکومت سے مطالبہ کر رہے ہیں کہ وہ غزہ میں فوری جنگ بندی کے معاہدے کو یقینی بنائے تاکہ حماس کے ہاتھوں یرغمال بنائے گئے شہری واپس آ سکیں۔
اہم خبریں سے مزید