فرمان الہی
نماز کے اوقات
کراچی( اسٹاف رپورٹر) ایشین چیمپئنز ٹرافی کیلئے قومی ہاکی ٹیم کپتان عماد شکیل بٹ کی قیادت میں اتوار کو چین روانہ ہوگئی۔ ٹیم اپنی مہم کا آغاز 8 ستمبر کو ملائیشیا کے خلاف میچ سے کرے گی ۔14ستمبر کو روایتی حریف بھارت سے مقابلہ کرے گی ۔ ہیڈ کوچ آلٹمینزچین میں قومی ٹیم کو جوائن کریں گے، جن کے ساتھ پی ایچ ایف کا تاحال سرکاری معاہدہ نہیں ہوا ہے، روانگی سے قبل جنگ سے گفتگو میں کپتان عماد شکیل بٹ نے کہا کہ کوچز محمد عثمان شیخ اور ذیشان اشرف نے کھلاڑیوں پر بہت محنت کی ہے، اذلان شاہ اور نو ملکی ہاکی ایونٹ میں جو خامیاں سامنے آئی تھی اسے دور کرنے کی کوشش کی ہے۔
