فرمان الہی
نماز کے اوقات
اسلام آباد (نمائندہ جنگ) آرمی چیف جنرل عاصم منیر سے چین کی بری فوج کے سربراہ نے ملاقات کی جس میں باہمی دلچسپی کے امور، علاقائی سلامتی، فوجی تربیت اور دفاعی تعاون پر گفتگو کی گئی۔پاک فوج کے شعبہ تعلقات عامہ آئی ایس پی آر کا کہنا ہے کہ آرمی چیف نے پاک فوج اور پیپلز لبریشن آرمی کے درمیان مضبوط تعلقات پر زور دیا۔ معزز مہمان نے پاک فوج کی پیشہ وارانہ مہارت کی تعریف کی جبکہ دہشتگردی اور انتہاپسندی کیخلاف جنگ میں پاکستان کی کوششوں کو سراہا،اس موقع پر آرمی چیف جنرل عاصم منیر نے کہا کہ پاکستان چین کے ساتھ برادرانہ تعلقات کو اہمیت دیتا ہے،آئی ایس پی آر کے مطابق معزز مہمان نے یادگار شہداء پر پھول رکھے، معزز مہمان کو جنرل ہیڈکوارٹر زآمد پر پاک فوج کے دستے نے گارڈ آف آنر پیش کیا۔
