کراچی (اسٹاف رپورٹر) میئر کراچی بیر سٹر مرتضی وہاب نے کہا ہے کہ شہر میں مسلسل بارش کے بعد راشد منہاس روڈ، نیپا چورنگی، طارق روڈ اور شارع فیصل کے حوالے سے منفی پروپیگنڈہ کیا گیا جبکہ حقیقت اس کے برعکس ہے اور تمام مرکزی شاہراہیں کلیئر ہیں صرف چند مقامات پر نشیبی علاقوں اور اندرونی گلیوں میں مسائل ہیں جس پر کام کررہے ہیں، تنقید کرنے والے تنقید کرتے رہیں اور اپنا فوٹو سیشن کرتے رہیں ،مگر ہم تمام بلدیاتی نمائندے سڑکوں پر عوام کو سہولت پہنچانے کے لیے موجود رہیں گے، ٹاؤنز کے چیئرمینز کے ساتھ بھی بارشوں کے دوران نکاسی آب کے حوالے سے بات کی ہے، کوشش یہی ہے کہ ان شاء اللہ مل کر کام کریں اور لوگوں کی مددکرنے اور اس مشکل وقت میں انہیں سہارا دینے کے ہدف کا حصول یقینی بنائیں، وقت آگیا ہے کہ شہر کے ساتھ ساتھ بعض لوگوں کے ذہنوں کی بھی صفائی کی جائے، ماضی میں جنہوں نے اس شہر پر راج کیا وہ اس شہر کے لیے کچھ نہیں کرسکے، ہمیں لوگوں کو امید دینی ہے، ان شاء اللہ آنے والا وقت اس شہر کے لیے بہتر ہوگا، ان خیالات کا اظہار انہوں نے جمعرات کی شب اور جمعہ کے دن شہر کے مختلف علاقوں کے دورے کے موقع پر کیا، اس موقع پر میئر کراچی کے ترجمان برائے سیاسی امور کرم اللہ وقاصی، واٹر اینڈ سیوریج کارپوریشن کے سی او او انجینئر اسد اللہ خان اور کے ایم سی کے افسران بھی ان کے ہمراہ تھے۔
فرمان الہی
نماز کے اوقات
