فرمان الہی
نماز کے اوقات
کراچی( اسٹاف رپورٹر ) میئر کراچی بیرسٹر مرتضیٰ وہاب اور سی ای او واٹر کارپوریشن انجینئر سید صلاح الدین احمد کی جانب سے بینظیر بھٹو پارک سے امریکن قونصلیٹ اور شون سرکل تک مائی کولاچی روڈ پر شجر کاری مہم کے آغاز کے موقع پر ترجمان حکومت سندھ و رکن صوبائی اسمبلی سعدیہ جاوید ، ترجمان میئر کراچی برائے سیاسی امور کرم اللہ وقاصی پروجیکٹ ڈائریکٹر ایس تھری نظام الدین شیخ اور چیف انجینئر ای اینڈ ایم سیوریج سید سردار شاہ سمیت دیگر اعلیٰ حکام موجود تھے،اس موقع پر سی ای او واٹر کارپوریشن انجینئر سید صلاح الدین احمد کا کہنا تھا کہ شجر کاری مہم کے حوالے سے واٹر کارپوریشن کی جانب سے مختلف قسم کے پودے لگائے گئے ہیں اور پودوں کی دیکھ بھال اور انہیں پانی دینے کی تمام ذمہ داری واٹر کارپوریشن کی ہے میئر کراچی نے کہا کہ کہ شجر کاری مہم کا مقصد موسمیاتی تبدیلیوں سے نمٹنا اور ماحولیاتی استحکام کو فروغ دینا ہے اور ہمیں شجر کاری کرکے کراچی کو ایک سرسبز اور پائیدار شہر میں تبدیل کرنا ہے۔
