فرمان الہی
نماز کے اوقات
باجوڑ، کوئٹہ (نیوز ایجنسی ، اسٹاف رپورٹر ) باجوڑ کے تحصیل سلارزئی کے علاقہ درہ میں بم دھماکہ، ایک شخص جاں بحق اور 2زخمی ہوگئے، کوئٹہ میں چیک پوسٹ کے قریب بم حملے میں دو افراد زخمی ہوگئے ، چمن پھاٹک پر سیکورٹی فورسز کی چیک پوسٹ کی دیوار کے ساتھ بم دھماکے میں راہگیر باپ بیٹا زخمی ہو گئے جبکہ ایک گاڑی ٗ رکشہ اور دو موٹرسائیکلوں کو نقصان پہنچا ،قریبی گھروں اور دکانوں کے شیشے ٹوٹ گئے ،ڈیڑھ کلو وزنی ٹائم ڈیوائس بم رکھا تھا۔ تفصیلات کے مطابق باجوڑ میں بم دھماکے میں دو افراد زخمی ہوگئے۔ ریسکیو1122کے مطابق دھماکے کے نتیجے میں ایک شخص جاں بحق جبکہ 2زخمی ہوگئے ہیں۔ جاں بحق شخص کی شناخت رحیم اللہ سکنہ بھائی چینہ کے نام سے ہوا ہے جبکہ زخمیوں کی شناخت فضل ہادی اور محیب اللہ سکنہ بھائی چینہ کے نام سے ہوئی ہیں۔ اطلاع ملنے پر ریسکیو 1122کے میڈیکل ٹیموں نے بروقت موقع پر پہنچ کر میت اور زخمیوں کو طبی امداد فراہم کرکے ڈسٹرکٹ اسپتال خار منتقل کیا۔ کوئٹہ سے نمائندہ جنگ کے مطابق مقامی پولیس کا کہنا ہے کہ چمن پھاٹک پر سیکورٹی فورسز کی چیک پوسٹ کی دیوار کیساتھ نامعلوم افراد نے بم رکھا تھا جو اتوار کی دوپہر کو زور دار دھماکے سے پھٹ گیا۔
