فرمان الہی
نماز کے اوقات
کراچی(اسٹاف رپورٹر) چین میں کھیلی جانے والی ایشین چیمپئینز ٹرافی ہاکی ٹور نامنٹ میں پاکستانی ٹیم دوسرے میچ میں بھی جیت کا کھاتہ کھولنے میں ناکام رہی، جنوبی کوریا کے خلاف اس کا میچ پیر کو دو، دو گول سے برابر رہا،دیگر دو میچوں میں چین نے ملائیشیا کو4.2سے جبکہ بھارت نے جاپان کے خلاف ایک کے مقابلے میں پانچ گول سے کامیابی حاصل کی،چین کے شہر ہولینبیور میں پاکستان اور کوریا کے مابین کھیلا گیا سنسنی خیز میچ 2-2 گول سے برابر رہا۔ دوسرے کوارٹر کےشروع میں کوریا کی جانب سے جنگوان نے گول اسکور کرکے کورین ٹیم کو ایک صفر سے سبقت دلادی۔ بعدازاں کھیل کے آخری کوارٹر کے آخری لمحات میں حنان شاہد نے لگاتار دو فیلڈ گول بناکرکے پاکستان کو ایک کے مقابلے میں دو گول کی سبقت دلائی اسی دوران کوریا کے سونگیان نے گول کرکے میچ دو دو گول سے برابر کر دیا۔ پاکستانی ٹیم نے ملائیشیا کے خلاف پہلا میچ بھی دو،دو گول سے برابر کھیلا تھا۔پاکستان اپنا تیسرا میچ بدھ کو جاپان کے خلاف کھیلے گا۔
