بلوچستان میں کانگو وائرس کے مریضوں کی تعداد میں اضافہ ہونے لگا

بلوچستان میں کانگو وائرس کے مریضوں کی تعداد میں اضافہ ہونے لگا، رواں سال کانگو کے 32 کیس رپورٹ ہوئے ہیں جن میں سے 8 مریضوں کا انتقال ہوچکا ہے۔

تشوشیناک بات یہ سامنے آئی ہے کہ صوبے میں کانگو کے علاج کی مخصوص دوا میسر نہیں ہے اور نہ ہی اندرون صوبہ مرض کی تشخیص کا بندوبست ہے۔

محکمۂ صحت کے حکام کے مطابق متاثرہ افراد کا تعلق بلوچستان کے اضلاع کوئٹہ، لورالائی،قلعہ سیف اللّٰہ اور پشین سے ہے۔

کوئٹہ کے فاطمہ جناح اسپتال میں زیر علاج کانگو وائرس کا مریض انتقال کرگیا

کوئٹہ کے فاطمہ جناح اسپتال میں زیرعلاج کانگو وائرس کا مریض انتقال کرگیا۔

صوبے کے 36 میں سے 35 اضلاع میں تو اس وائرس سے متاثرہ افراد کے علاج کی سہولت ہی میسر نہیں ہے۔

تمام مریضوں کو علاج کی غرض سے فاطمہ اسپتال کوئٹہ لایا جاتا ہے لیکن یہاں بھی اس بیماری کے لیے باقائدہ علاج اور مخصوص ادویات کی عدم دستیابی کی شکایت عام ہے۔