• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نائب وزیراعظم اور وزیر خارجہ کے بعد سیکرٹری خارجہ کا دورہ نیویارک بھی منسوخ

آج کا اخبار
اہم خبریں
22 ستمبر ، 2024
اسلام آباد (فاروق اقدس)نائب وزیراعظم اور وزیر خارجہ اسحاق ڈار کا دورہ امریکہ ملتوی کئے جانے کے بعد سیکرٹری خارجہ آمنہ بلوچ کا دورہ نیویارک بھی منسوخ کردیا گیا ، جنہوں نے آج صبح (ہفتہ) نیویارک کیلئے پرواز کرنا تھی۔ واضح رہے کہ وزیر خارجہ اسحاق ڈار نے اقوام متحدہ سمٹ آف دی فیوچر میں پاکستان کی نمائندگی کرنا تھی۔ وزیر خارجہ کے دورے کی منسوخی کے بارے میں وزارت خارجہ کی ترجمان ممتاز زہرہ بلوچ کا کہنا ہے کہ گزشتہ روز ہی وزارت خارجہ کی جانب سے ان کے دورے کی منسوخی کے بارے میں بتا دیا گیا تھا ان کا کہنا تھا کہ چند اہم سفارتی مصروفیات اور شنگھائی تعاون تنظیم کے سربراہان حکومت کی کونسل کے 23ویں اجلاس کی تیاریوں کے پیش نظر وزیر خارجہ کا دورہ منسوخ ہوا ہے۔
اہم خبریں سے مزید