• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایرانی قونصلیٹ کراچی میں ماہ ربیع الاول کی تقریب، صوبائی وزرأ کی شرکت

آج کا اخبار
اہم خبریں
23 ستمبر ، 2024
کراچی(اسٹاف رپورٹر)ایرانی قونصلیٹ کراچی میں ماہ ربیع الاول کے حوالے سے ایک تقریب ہوئی ایرانی قونصل جنرل حسن نورین کی میزبانی میں ہونے والی اس تقریب میں سندھ کے سینئر وزیر شرجیل انعام میمن، صوبائی وزراء سید ناصر حسین شاہ، سعید غنی، سید ذوالفقار شاہ اور دیگر نے شرکت کی سندھ کے سینئر وزیر شرجیل انعام میمن نے تقریب میں بطور مہمان خصوصی خطاب کرتے ہوئے کہا کہ ہمارے پیارے نبی حضرت محمد صلی اللہ علیہ وسلم کے یوم ولادت کا مہینہ ربیع الاول ہمارے لئے بہت اہمیت کا حامل ہے، ایرانی قونصلیٹ میں ربیع الاول حوالے سے ہونے والے تقریب کا حصہ بننا بڑے اعزاز کی بات ہے۔انہوں نے کہا کہ ہمدردی، انصاف و اتحاد پر مبنی ہمارے پیارے نبی حضرت محمد صلی اللہ علیہ وسلم کی تعلیمات ہمارے لئے مشعل راہ ہیں انہوں نے کہا کہ پاک ایران گہرے اور پائیدار تعلقات مشترکہ ورثے، باہمی احترام اور تعاون پر مبنی ہے، ثقافتی طور پر، ایران اور پاکستان میں مشترکہ روایات، ادب اور فن کا ایک بھرپور مُشَجَّر ہے سینئر وزیر شرجیل انعام میمن نے کہا کہ فن، موسیقی اور ادب کے ذریعے ہمارے لوگوں کا مشترکہ تجربہ باہمی فہم کو فروغ دیتا ہے، آج کی تقریب ہمیں اپنے نبی صلی اللہ علیہ وسلم کی تعلیمات اور عملی زندگی پر عمل کرنے اور ثقافتی روابط کے فروغ کا موقع فراہم کرتا ہےانہوں نے کہا کہ فنی اظہار اور تعلیمی اقدامات کے فروغ سے ہم باہمی افہام و تفہیم اور احترام کو تقویت دے سکتے ہیںسینئر وزیر شرجیل انعام میمن نے کہا کہ ہمیں غذائی تحفظ اور پائیدار ترقی کے شعبوں میں عالمی چیلنجز کا سامنا ہے، پاک ایران تعاون نہ صرف دوطرفہ بلکہ علاقائی استحکام کو فروغ دینے کے لیے بھی ضروری ہے، زرعی مہارت، وسائل کے تبادلے اور جدید حکمت عملیوں سے غذائی قلت کے چیلنجز سے نمٹ سکتے ہیں ۔
اہم خبریں سے مزید