• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چینی سفیر کی نواز شریف، وزیر اعلیٰ مریم سے اہم ملاقات، دورہ چین کی دعوت

آج کا اخبار
اہم خبریں
26 ستمبر ، 2024
لاہور (نمائندہ جنگ )پاکستان مسلم لیگ(ن) کے صدر نواز شریف اور وزیر اعلیٰ پنجاب مریم نواز سے بدھ کو عوامی جمہوریہ چین کے سفیرجیانگ زیاڈونگ نے ملاقات کی،جس میں ٹیکنالوجی، کاروبار اور سرمایہ کاری کے فروغ کے امکانات کا جائزہ لیا گیا، چین کے سفیرجیانگ زیاڈونگ نے وزیر اعلیٰ مریم نواز شریف کو دورہ چین کی دعوت دی جسے مریم نواز شریف نے شکریہ کے ساتھ قبول کر لیا، وزیر اعلی ٰنے چین کیلئے خصوصی ”چائنا اکنامک زون“ قائم کرنے کی پیشکش کی،جس میں چینی سرمایہ کاروں کیلئے مراعات اور آسانیاں پیدا کرنے کے عزم کا اظہار کیا گیا ،مریم نواز شریف نے کہا کہ چین کے ساتھ مل کر معاشی معجزے برپا کر سکتے ہیں۔پنجاب میں چینی دوستوں کا خیرمقدم کرنے کیلئے ہمہ وقت تیار ہیں چین کامیابی کو اپنی کامیابی سمجھتے ہیں،عوام کو غربت سے نجات دلانے کے لئے چین کی مہارت سے فائدہ اٹھائیں گے۔
اہم خبریں سے مزید