• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پنجاب: ڈینگی کے مزید 126 مریض رپورٹ

UF
ام فروا
تازہ ترین
صحت
26 ستمبر ، 2024
---فائل فوٹو
---فائل فوٹو 

صوبۂ پنجاب میں گزشتہ 24 گھنٹوں کے دوران ڈینگی وائرس کے مزید 126 مریض سامنے آ گئے۔

محکمۂ صحت پنجاب کے ترجمان کے مطابق رواں سال اب تک ڈینگی وائرس کے 1371 کیسز رپورٹ ہو چکے ہیں۔

تازہ ترین کیسز میں راولپنڈی سے 107، لاہور سے 6، گوجرانوالا سے ڈینگی کے 3 کیسز  جبکہ فیصل آباد، سرگودھا اور اٹک سے ڈینگی وائرس کے دو دو کیسز رپورٹ ہوئے ہیں۔

گزشتہ سال کی نسبت ڈینگی کے کیسز کی شرح بہت کم ہے: ڈپٹی کمشنر حسن وقار چیمہ

ڈپٹی کمشنر راولپنڈی حسن وقار چیمہ نے کہا ہے کہ عوام ڈینگی کے معاملے میں انتظامیہ کے ساتھ تعاون کریں، وزیرِ اعلیٰ پنجاب کی خصوصی ہدایت پر انسدادِ ڈینگی مہم جاری ہے، گزشتہ سال کی نسبت ڈینگی کے کیسز کی شرح بہت کم ہے۔

اسی طرح جہلم، قصور، ملتان اور منڈی بہاوالدین سے ڈینگی کا ایک ایک کیس رپورٹ ہوا ہے۔

یاد رہے کہ گزشتہ روز صوبۂ پنجاب میں ڈینگی کے 82 کیسز رپورٹ ہوئے تھے۔

صحت سے مزید