کراچی ( سہیل افضل)ایف بی آر نے انٹیلی جنس اداروں کی رپورٹ پر کسٹمز کراچی کے 2افسران کو 120روز کیلئے معطل کر دیا ہے، ایف بی آر کے سیکنڈ سیکریٹری ذاکر حسین کی جانب سے 3 اکتوبر کو جاری کردہ نوٹی فیکشن کے مطابق کلکٹریٹ آف جناح انٹر نیشنل ایئر پورٹ ( JIAP) کراچی کے اپریزنگ آفیسر محمد شاہد مراد اور کلکٹر کسٹمز انفورسمنٹ کراچی کے پریونٹیو آفیسر ظہیر احمد کو سول سرونٹ رولز 2020کے تحت معطل کر دیا گیا ہے ،ذرائع کے مطابق دونوں افسران کے خلاف بھیجی گئی رپورٹس میں ان پر کرپشن اور ٹیکس چوری کرنے والوں کی معاونت کے بھی الزمات ہیں ،شاہد مراد کو چند ہفتے قبل ایکسپورٹ کلکٹریٹ کراچی سے بھی کرپشن کے الزامات پر تبدیل کر کے ایئر پورٹ کلکٹریٹ بھیجا گیا تھا،ذرائع کا کہنا ہے کہ شاہد مراد پر مس ڈیکلیئریشن کے ذریعےکروڑوں روپےکی ٹیکس چوری کا مقدمہ بھی زیر سماعت ہے۔
فرمان الہی
نماز کے اوقات
