• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، نشہ آور ادویات کی مختلف مقامات پر آن کال فراہمی

آج کا اخبار
اہم خبریں
05 اکتوبر ، 2024
کراچی( اسٹاف رپورٹر )ضلع کیماڑی پولیس نے پوش علاقوں میں منعقدہ ڈانس پارٹیوں میں آئس اور نشہ آور گولیاں سپلائی کرنے والے دو ملزمان کو گرفتار کر لیا۔ملزمان کو بڑا بورڈ منگھوپیر روڈ سے اینٹی اسٹریٹ کرائم سیل نے گرفتار کیا۔ملزمان کے قبضے سے برآمدہ بیگ سے 50 گرام آئس اور 400 عدد نشہ آور گولیاں (ڈانسنگ پلز) برآمد ہوئیں۔ملزمان کی شناخت محمد ایاز ولد معین الدین اور جنید ولد محمد اکبر کے ناموں سے ہوئی۔پولیس کے مطابق ملزمان نے دوران تفتیش نشہ آور گولیاں پشاور کے پی کے سے بذریعہ کارگو سروس منگوانے کا انکشاف کیا ہے۔برآمدہ منشیات اور گولیاں پوش علاقوں میں منعقدہ ڈانس پارٹیوں میں فروخت کی جاتی ہیں۔پولیس نے بتایا کہ نشہ آور ادویات مختلف مقامات پر آن کال فراہم کی جاتی ہیں۔ملزمان کے خلاف تھانہ پاک کالونی میں مقدمہ درج کرکے مزید تفتیش کی جا رہی ہے۔
اہم خبریں سے مزید