• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لبنان کے قدیم شہر ’بعلبک‘ کو جنگ سے تباہی کا سامنا

آج کا اخبار
اہم خبریں
28 اکتوبر ، 2024
بعلبک (اے ایف پی) لبنان کے قدیم شہر ’بعلبک‘ کو جنگ سے تباہی کا سامنا، مشہور پالمیرا ہوٹل ویران ہوگیا، ملازم ربیح سالیکا کا ہوٹل چھوڑنے سے انکار ۔ تفصیلات کے مطابق اسرائیل اور حزب اللہ کے درمیان جنگ شروع ہونے کے بعد سے مشرقی لبنان کے بعلبک میں واقع مشہور پالمیرا ہوٹل میں سیاحوں نہیں ہیں لیکن طویل عرصے سے ملازم ربیح سالیکا نے قریب بم گرنے کے باوجود جانے سے انکار کر دیا ہے۔ یہ ہوٹل، جو 1874میں بنایا گیا تھا، ایک بار فرانس کے سابق صدر چارلس ڈی گال اور امریکی گلوکارہ نینا سیمون سمیت معروف مہمانوں کا خیرمقدم کرچکا ہے۔ ایک قدیم رومی قصبے کے کھنڈرات پر محیط ایک بڑے آثار قدیمہ کے احاطے کو نظر انداز کرتے ہوئے پالمیرا نے کئی تنازعات اور سالوں کی معاشی تباہی کے بعد بھی اپنے دروازے کھلے رکھے ہیں۔ سالیکا کا کہنا ہے کہ اس ہوٹل نے ڈیڑھ سو سال سے اپنے دروازے بند نہیں کیے ہیں۔ انہوں نے وضاحت کی کہ اس نے لبنان کی 1975-1990 کی خانہ جنگی کے عروج پر اور 2006 میں حزب اللہ کے ساتھ اسرائیل کی آخری جنگ کے دوران نھی مہمانوں کا استقبال کیا۔ 45 سالہ شخص نے اپنی آدھی سے زیادہ زندگی وہاں کام کیا ہے اور وہ کہتے ہیں کہ اب وہ اسے چھوڑ کر نہیں جائیں گے۔ انہوں نے کہا کہ ا نہیں اس جگہ سے بہت لگاؤ ہے۔
اہم خبریں سے مزید