اسلام آباد(آئی این پی ) چین نے سی پیک ترقیاتی منصوبوں میں فنڈنگ متحرک کرنے کا عندیہ دے دیا ،صدر مملکت کے دورہ چین کے موقع پر 8 ارب ڈالر کے ڈویلپمنٹ قرضوں پر بات چیت کا امکان ،چین نے پاکستان کے لیے سستے قرضوں کا در وازہ کھول دیا، صدر مملکت کے دورہ چین کے موقع پر 8ارب ڈالر کے ڈویلپمنٹ قرضوں پر بات چیت کا امکان ہے۔ ذرائع کے مطابق چین نے سی پیک ترقیاتی منصوبوں میں فنڈنگ متحرک کرنے کا عندیہ دے دیا، صدر آصف علی زرداری کے دورہ چین کے موقع پر 8 ارب ڈالر کے ڈولپمنٹ قرضوں پر بات چیت کا امکان ہے۔ذرائع نے بتایا کہ تھاہ کوٹ رائے کوٹ قراقرم ہائی وے کی اپ گریڈیشن اور چین سے 1.6 ارب ڈالر فنانسنگ کا فیصلہ کیا ہے۔ ذرائع نے کہا کہ اپ گریڈیشن کیلئے چین سے فنانسنگ کیلئے پاکستان کی درخواست کے بعد جلد معاہدہ طے پائے جانے کا امکان ہے۔وزارت خزانہ، پلاننگ کمیشن اور اقتصادی امور ہائی وے اپ گریڈیشن کیلئے فنانسنگ پربات چیت جاری ہے ، ہائی وے کی اپ گریڈیشن کیلئیچین سے 1.6ارب ڈالرکی فانسنگ لانگ ٹرم کیلئے حاصل کی جائے گی۔اپ گریڈیشن کیلئے چینی فرم کو پاکستان کی فرم کیساتھ شراکت داری سے کنٹریکٹ ایوارڈ کیے جانے کا امکان ہے، اپ گریڈیشن پلان میں اعلی معیار کے پل، مستحکم ڈھلوان اورگنجان شہروں کیاردگرد بائی پاسزشامل ہیں۔ذرائع کا کہنا تھا کہ ہائی وے کی اپ گریڈیشن سے مسافر بردار، کارگو ٹرانسپورٹرز اور اقتصادی ترقی کیلئے اہم ثابت ہوگی، قراقرم ہائی وے کی اپ گریڈیشن کیلئے ورکنگ پر وزیراعظم شہباز شریف کو بھی بریفنگ دی گئی۔ ذرائع کے مطابق بات چیت فائنل ہونے پر چین سے معاہدہ کیلئے پاکستان سے ہائی لیول وفد چین کا دورہ کر سکتا ہے، چین سے سی پیک فیز ٹو میں ایگری سروسز،آئی ٹی سمیت 4 معاہدوں پر مزید دستخط جلد کرے گا۔
فرمان الہی
نماز کے اوقات
