فرمان الہی
نماز کے اوقات
کراچی (جنگ نیوز) کراچی پریمیئر لیگ کے سنسنی خیز مقابلے یکم نومبر سے پاکستان کے پہلے نجی اسپورٹس چینل ”جیوسوپر“ سے براہ راست نشر کئے جائیں گے۔ کرکٹ ایونٹ یکم نومبر سے 16 نومبر تک جاری رہے گا میچز نیشنل اسٹیڈیم اور نیا ناظم آباد کرکٹ اسٹیڈیم میں کھیلے جائیں گے۔ ایونٹ میں مجموعی طور پر 8 ٹیمیں ایک دوسرے کے مدِ مقابل ہوں گی اِن میں ایف بی ایریا، ملیر ڈولفن، جوہر بیئر، گلشن اسٹالینز، لیاری ایگل، نارتھ ہاکس، ڈی ایچ اے کوگر، کلفٹن لائنز شامل ہیں۔ پہلا میچ ایف بی ایریا ٹائیگرز اور ملیر ڈولفن کے درمیان دوپہر 4 بجے کھیلا جائے گا۔ ایونٹ کا پہلا سیمی فائنل 15 نومبر کو دوپہر4 بجے اور دوسرا سیمی فائنل شب8 بجے ہوگا اور فائنل میچ 16نومبر کو کھیلا جائے گا۔
