فرمان الہی
نماز کے اوقات
کراچی (اسٹاف رپورٹر) آصف علی اور محمد اخلاق کی دھواں دار بیٹنگ کی مدد سے پاکستان نے روایتی حریف بھارت کوعبرتناک شکست دے کر ہانگ کانگ سکسز کرکٹ کے کوارٹر فائنل میں جگہ بنالی۔ پاکستان نے120رنز کا ہدف بغیر کوئی وکٹ گنوائے حاصل کیا،بھارت نے پہلے کھیلتے ہوئے اپنے6اوورز میں2وکٹوں پر119رنز بنائے تھے ۔ آصف علی نے ریٹائر ہونے سے پہلے14گیندوں پر55رنز بنائے۔ ان کی اننگز میں2چوکے اور7چھکے شامل تھے، محمد اخلاق نے12گیندوں پر3چوکوں اور4چھکوں کی مدد سے40رنز ناٹ آؤٹ بنائے۔اس سے قبل پاکستان نے متحدہ عرب امارات کو13 رنز سے ہرایا ۔ پاکستان نے بغیر کسی نقصان کے128رنز بنائے تھے، آصف علی14 گیندوں پر50اور اخلاق15گیندوں پر52رنز بنا کر ریٹائر ہوئے تھے۔ ناکام ٹیم6اوورز میں 5 وکٹ پر115رنز بنا سکی۔ آصف علی اور عامر یامین نے 2، 2 وکٹ لیے۔
