فرمان الہی
نماز کے اوقات
ڈیرہ اسماعیل خان( نمائندہ جنگ)ڈیرہ اسماعیل خان میں ایف سی کی گاڑی پرفائرنگ کے نتیجے میں 2سپاہی شہید اور 4زخمی ہوگئے ۔ ڈی او ایف سی درازندہ کے اسکواڈ کی گاڑی پرگنڈی عاشق کے قریب فائرنگ کی گئی،سپاہی شیر الرحمان اور سید امین شہید ہوگئے ۔ تفصیلات کے مطابق ڈیرہ ژوب بلوچستان میں بین الصوبائی شاہراہ پر دن دھاڑے گنڈی عاشق علاقہ تھانہ درابن کی حدود میں ڈی او ایف سی درازندہ کے سکواڈ پر دہشتگردوں کی آزادانہ فارنگ کے نتیجہ میں دواہلکار شہید اور چار زخمی ہو گئے، آمدہ اطلاع کے مطابق ڈی او ایف سی درازندہ کے سکواڈ کی گاڑی درابن کی طرف روانہ تھی کہ گنڈی عاشق کے قریب نامعلوم مسلح دہشت گردوں نے گاڑی پر فائرنگ کر دی ۔زخمیوں اورلاشو ں کو فوری طور پر مفتی محمود ہسپتال منتقل کر دیا گیا ۔ترجمان وزارت داخلہ کے مطابق ڈیرہ اسماعیل خان کے تھانہ درابن کی حدود میں ایف سی کی گاڑی پر خوارجی دہشت گردوں کی فائرنگ سے فرنٹیئر کانسٹیبلری کے 2 اہلکار وطن پر قربان ہو گئے۔ترجمان کا کہنا ہے کہ شہید سپاہی شیر الرحمان اور شہید سپاہی سید امین نے خوارجی دہشت گردوں کا دلیری سے مقابلہ کیا اور شہادت کا بلند رتبہ پایا۔شیر الرحمان کا تعلق جنوبی وزیرستان اور سید امین کا تعلق صوابی گدون سے تھا۔ زخمیوں میں حوالدار امتیاز، سپاہی محب شاہ، سپاہی صاحب دین اور سپاہی فضل کریم شامل ہیں۔ترجمان کے مطابق چاروں زخمیو ں کو علاج کے لئے ہسپتال میں منتقل کر دیا گیا۔
