• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی سمیت سندھ بھر میں گیس کی غیر اعلانیہ لوڈشیڈنگ شروع ہوگئی، وقار مہدی

آج کا اخبار
اہم خبریں
06 نومبر ، 2024
کراچی (اسٹاف رپورٹر) وزیراعلیٰ سندھ کے معاونِ خصوصی و پاکستان پیپلز پارٹی سندھ کے جنرل سیکریٹری سینیٹر وقار مہدی نےکہا ہے کہ سردیاں شروع ہوئی نہیں، کراچی شہر سمیت سندھ بھر میں گیس کی غیراعلانیہ لوڈشیڈنگ شروع ہوگئی۔ انہوں نے مزید کہا کہ آدھا کراچی گیس کی غیراعلانیہ لوڈشیڈنگ اور باقی کم پریشر کو جھیل رہا ہے۔ اپنے جاری کردہ بیان میں، وقار مہد ی نے سوال اٹھایا کہ بتایا جائے کہ یہ سوئی سدرن گیس کمپنی کی مس مئنجمینٹ ہے یا متعلقہ وفاقی وزیر کی نااہلی؟ ڈھائی کروڑ آبادی والے شہر میں گرمیوں میں بجلی نہیں اور سردیوں میں گیس، یہ سراسر ظلم ہے۔ وقار مہدی نے نشاندھی کرتے ہوئے کہا کہ گیس کی کُل ملکی پیداوار میں 65 فیصد سے زائد حصہ صوبہ سندھ کا ہے۔
اہم خبریں سے مزید