فرمان الہی
نماز کے اوقات
کراچی (رفیق مانگٹ) ٹرمپ امریکی تاریخ کے امیرترین صدر ہیں بلومبرگ بلینیئرز انڈیکس کے مطابق جون 2024تک ٹرمپ کی دولت 21 کھرب 40ارب روپے(7ارب70کروڑ ڈالر) ہے۔ اس سے پہلے جان ایف کینڈی ایک ارب30 کروڑ ڈالر دولت کے ساتھ امیرترین صدر تھے۔ ٹرمپ گولف کورسز،اعلیٰ رہائشی جائیدادوں، شراب خانے اور 1991کے بوئنگ 757کا بھی مالک ہے جس کا نام ٹرمپ فورس ون ہے۔وہ امریکی تاریخ میں واحد صدر ہیں جن کا کانگریس نے دو بار مواخذہ کیا ہے۔ گارڈین کے مطابق ٹرمپ کو تاریخ کا بدترین امریکی صدر قرار دیا گیا۔امریکی تاریخ کے بوڑھے ترین صدرکا اعزاز بھی ٹرمپ کا ہی ہے ، وہ 20جنوری 2025 کو 78سال221دن کی عمر میں حلف اٹھائیں گے۔ جوبائیڈن نے78سال61دن کی عمر میں حلف اٹھایا تھا۔ تاریخ کےبدترین امریکی صدر قرارپانے والے ٹرمپ دوبارہ صدر بن گئے۔فوربز کے مطابق ڈونلڈ ٹرمپ ایک بزنس مین، رئیل اسٹیٹ ٹائیکون اور رئیلٹی ٹی وی اسٹار بننے سے لیکر ملک کے پہلے امریکی صدر بن گئے جنہیں سزا یافتہ مجرم قرار دیا گیا۔
