فرمان الہی
نماز کے اوقات
کراچی (اسٹاف رپورٹر )میئر کراچی بیرسٹر مرتضیٰ وہاب نے کہا ہے کہ قائد آباد برج پر آنے اور جانے والے دونوں ٹریکس کی مرمت و استرکاری کرکے ٹریفک کے لئے کھول دیا گیا ہے جس سے شہریوں کو قائد آباد، لانڈھی، پورٹ قاسم اور دیگر صنعتی اور رہائشی علاقوں میں آمدورفت کی سہولت حاصل ہوگی اور سڑک کی خستہ حالی کے باعث درپیش مسائل حل ہوں گے، اس علاقے میں انور بلوچ ہوٹل سے لے کر مرغی خانہ بس اسٹاپ تک سڑک کا تعمیراتی کام تیزی کے ساتھ مکمل کیا گیا ہے ، یہ بات انہوں نے بحالی کے کام کا جائزہ لیتے ہوئے کہی،انہوں نے کہا کہ بارشوں اور دیگر وجوہات کے باعث متاثر ہونے والی کراچی کی تمام بڑی سڑکوں اور شاہراہوں کی تعمیر و مرمت اور بحالی کا کام جاری ہے جبکہ صوبائی سالانہ ترقیاتی پروگرام کے تحت کراچی میں مزید تعمیراتی منصوبوں پر جلد کام شروع ہوگا۔
