فرمان الہی
نماز کے اوقات
وانا (نمائندہ جنگ) جنوبی وزیرستان میں مسجد کے قریب بم دھماکہ کے نتیجے میں خاتون جاں بحق 6 افراد زخمی ہو گئے ۔واقعہ اعظم ورسک بازار میں پیش آیا جہاں مولانا شہزادہ وزیر پر اپنی مسجد کے قریب آئی ای ڈی دھماکہ کیا گیا جس کے نتیجے میں ایک خاتون جاں بحق اور چھ افراد زخمی ہو گئے ۔عینی شاہدین نے کہا کہ مولانا شہزادہ دوستوں کے ہمراہ مسجد سے بازار کی طرف پیدل جا رہے تھے کہ اچانک دھماکہ ہوا زخمیوں میں سے تین کی حالت تشویش ناک ہے۔ زخمیوں میں شاہ حسین اور زین اللہ شامل ہیں جن کی حالت مستحکم بتائی جاتی ہے جبکہ نور حسین، اعجاز، صدام اور مولانا شہزادہ شدید زخمی ہیں۔ تمام زخمیوں کو ڈسٹرکٹ ہیڈ کوارٹر ہسپتال وانا منتقل کیا گیا جہاں ہلاکتوں میں اضافے کا خدشہ ظاہر کیا جارہا ہے ۔ پولیس اور سکیورٹی فورسز نے علاقے کو گھیرے میں لے کر دھماکے کی نوعیت اور شدت کا جائزہ لینا شروع کردیا۔
