• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دفاعی نمائش آئیڈیاز 2024 کا آج سے آغاز، وزیراعظم افتتاح کرینگے

آج کا اخبار
اہم خبریں
19 نومبر ، 2024
کراچی(اسٹاف رپورٹر / این این آئی) پاکستان کی ڈیفنس انڈسٹری کے فروغ کیلئے وزارت دفاع اورڈیفنس ایکسپورٹ پروموشن آرگنائزیشن (ڈیپو) کے زیر انتظام 4روزہ بین الاقوامی دفاعی نمائش آئیڈیاز 2024کے 12ویں ایڈیشن کا آغاز آج(منگل) 19سے کراچی ایکسپو سینٹر میں ہوگا۔ وزیراعظم شہباز شریف نمائش کا افتتاح کرینگے۔ ذرائع کے مطابق ہر دو سال بعد ہونیوالے اس 12ویں انٹرنیشنل ڈیفنس ایگزیبیشن اینڈ سیمینار میں پاکستان اور دوست ممالک کی دفاعی مہارتوں، آلات، ٹیکنالوجی کی نمائش کی تیاریاں تقریباً مکمل ہوچکی ہیں۔ذرائع نے بتایاکہ اس بین الاقوامی دفاعی نمائش میں دنیا کے55 ملکوں سے 550 سے زائد نمائش کنندگان اسٹالز لگائینگے، ترکیہ اور چین بھاری موجودگی کیساتھ شرکت کر رہے ہیں، ایران، اٹلی، برطانیہ پہلی بار نمائش میں شریک ہونیوالوں میں شامل ہیں ڈیپوکے زیر انتظام دفاعی نمائش 19 سے 22 نومبر جاری رہے گی۔ آئیڈیاز 2024میں ایشیا، مشرق وسطی اور جنوب مغربی ایشیا کے اہم ممالک بالخصوص سعودی عرب، متحدہ عرب امارات، قطر، بحرین، ترکی، ایران، یمن، چین، بھارت، جاپان، ملائیشیا، سنگاپور اور دیگر ممالک شامل ہونگے۔
اہم خبریں سے مزید