• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شاہراہ فیصل پر واقع تھری اسٹار ہوٹل میں آگ لگ گئی

آج کا اخبار
اہم خبریں
19 نومبر ، 2024
کراچی( ثاقب صغیر/رپورٹر )شاہراہ فیصل پر واقع تھری اسٹار نجی ہوٹل میں آگ لگ گئی ہوٹل میں قومی ویمنز ون ڈے ٹورنامنٹ کی پانچ ٹیمیں ٹھہری ہوئی تھیں، آگ تیسرے فلور پر واقع کمرے میں شارٹ سرکٹ کے باعث لگی۔ جس وقت آگ لگی چار ٹیمیں شہر میں د و مختلف مقامات پر اپنا پانچواں راؤنڈ میچ کھیل رہی تھی جبکہ پانچویں ٹیم اسٹرائیکرز اپنے پریکٹس سیشن میں مصروف تھی اس کی پانچ کھلاڑی کمروں میں تھیں جبکہ آتشزدگی کے واقعہ میں خوش قسمتی سےکوئی کھلاڑی زخمی نہیں ہوئی ۔تفصیلات کے مطابق آرٹلری میدان تھانے کی حدود شاہراہ فیصل پر واقع ہوٹل مہران میں پیر کی دوپہر اچانک آگ بھڑک اٹھی۔آگ لگنے کی اطلاع پر پولیس اور ریسکیو 1122 کے رضاکار موقع پر پہنچے۔ترجمان ریسکیو 1122 کے مطابق سینٹرل کمانڈ اینڈ کنٹرول ریسکیو 1122 کو اطلاع موصول ہوتے ہی فائر اینڈ ریسکیو ٹیم بمع 2 ایمبولینس اور 4 فائر بریگیڈ ٹرک جائے وقوعہ پر پہنچ گئے۔ آگ مہران ہوٹل کے تیسرے فلور پر واقع ایک کمرے میں لگی ہے۔دھوئیں کی شدت زیادہ ہونے کی وجہ سے ریسکیو 1122 کے عملے کو ہوٹل میں داخلے مشکلات کا سامنا کرنا پڑا۔
اہم خبریں سے مزید