فرمان الہی
نماز کے اوقات
کراچی( اسٹاف رپورٹر ) ابراہیم حیدری پولیس نے گٹکا ماوا فروخت کرنے والے 3 مطلوب ملزمان سعید، منیر اور شاہد کر گرفتار کرکے 32 کلو سے زائد گٹکا ماوابرآمد کیا ،ملیر کینٹ پولیس نے اسٹریٹ کرائم کی وارداتوں میں ملوث ملزم ذیشان کو گرفتار کر کے 30 بور پستول برآمد کیا ،سائٹ سپر ہائی وے پولیس نے دو مختلف کارروائیوں کے دوران چار ملزمان ثناء اللہ ولد نور حسن، عبد الصمد ولد عبد الستار، سلمان ولد شاہد حسین اور سعد ولد شاہد حسین کو گرفتار کرکے 6 کلو سے زائد چھالیہ، 13 کلو سے زائد تیار گٹکا ماوا اور دیگر سامان برآمد کیا ، مبینہ ٹاؤن پولیس نے اسٹریٹ کرائم کی وارداتوں میں ملوث انتہائی مطلوب ملزم عمران عرف گلابی کو گرفتار کر کے غیر قانونی پستول، چوری شدہ موٹرسائیکل اور نقد رقم برآمد کرلی ،لانڈھی پولیس نے ہیروئن کی فروخت میں ملوث 4 ملزمان کو گرفتار کرکے ہیروئن برآمد کرلی ، ایک اور کارروائی میں ملزم صابر ولد ہاشم کو گرفتار کر کے 13 پیکٹ تیار گٹکا ماوا برآمد کر لیا، ماڈل کالونی پولیس نےدو ملزمان ابراہیم شاہ اور فیضان کو گرفتار کرکے 25 کلو سے زائد تیار گٹکا ماوا برآمد کیا ، علاوہ ازیں ،قائدآباد پولیس نے اسٹریٹ کرائم اور بینکوں سے کیش لے کر نکلنے والے شہریوں کو نشانہ بنانے والے گروہ کے 2 کارندوں امیر بخش اور یونس کو گرفتار کرلیا گروہ پانچ ملزمان پر مشتمل ہے جو وارداتوں کے لیے کرائے کی گاڑیاں استعمال کرتا ہے، ملزمان سے 2 30 بور پستول، ایک موٹرسائیکل برآمد ہوئی ہے ۔
