فرمان الہی
نماز کے اوقات
کراچی(اسٹاف رپورٹر)ا نسداد دہشت گردی منتظم عدالت میں ایئر پورٹ کے قریب چائنیز قافلے پر خودکش دھماکے کے ایک اور نئے دوسرے مقدمے میں خودکش دھماکے میں دہشت گردوں کی مالی معاونت اور منصوبہ بندی کی ابتدائی اطلاعی رپورٹ جمع کرادی گئی، رپورٹ کے مطابق گرفتار دہشت گرد جاوید نے پولیس کے سامنے خودکش دھماکے اور منصوبہ بندی کا اعتراف کرلیا،ایئرپورٹ بم دھماکہ منصوبہ بندی اور فنڈنگ کی مدد سے کیا گیا ، گرفتار دہشت گرد جاوید نے انٹروگیشن میں سنسنی خیز انکشافات کئے، کالعدم تنظیم کے کمانڈر اور ماسٹر مائنڈ بشیر بلوچ اور عبد الرحمٰن نے فنڈنگ اور منصوبہ بندی کی، دہشت گردی کے منصوبے کو ہلاک دہشت گرد شاہ فہد اور گرفتار ملزم جاوید کے ذریعے تکمیل تک پہنچایا گیا، فنڈ سے کراچی الحرم آٹو موبائلز سے دھماکے میں استعمال ہونے والی گاڑی خریدی گئی، کار کی رقم 71 لاکھ روپے کی ادائیگی حب چوکی بلوچستان کے نجی بینک کی برانچ کے ذریعے کی گئی، کار میں بارودی مواد بھر کر منصوبے کو انجام دیا گیا، مقدمے میں کالعدم بی ایل اے مجید بریگیڈ کے اہم کمانڈر، معاونت کرنے والے افراد بھی نامزد کئے گئے ہیں۔
