• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آئی بی اے سکھر کا اسسٹنٹ کنٹرولر گھر میں مردہ پایا گیا

آج کا اخبار
اہم خبریں
30 دسمبر ، 2024
کراچی (نیوز ڈیسک) آئی بی اے سکھر کا اسسٹنٹ کنٹرولر گھر میں مردہ پائے گئے ، 2بہنیں بھی بیہوش ملیں، وائس چانسلر آصف شیخ نے جیو نیوز کوبتایا کہ اشتیاق میمن کا حالیہ ایم ڈی کیٹ امتحانات سے کوئی تعلق نہیں تھا۔ تفصیلات کے مطابق آئی بی اے یونیورسٹی سکھر کے اسسٹنٹ کنٹرولر امتحانات اشتیاق میمن گھر میں مردہ پائے گئے ہیں۔ سکھر پولیس کے مطابق اشتیاق میمن کی دو بہنیں بھی گھر میں بے ہوش ملی ہیں جنہیں اسپتال منتقل کردیا گیا ہے۔ پولیس نے بتایا ہے کہ اشتیاق میمن کے رشتے داروں نے فون اٹینڈ نہ ہونے پر گھر کا دروازہ توڑا جس پر اشتیاق میمن کی لاش ملی۔ پولیس نے بتایا ہے کہ واقعے کی تفتیش کی جا رہی ہے، پوسٹ مارٹم رپورٹ آنے کے بعد صورتحال واضح ہوسکے گی۔ دوسری جانب آئی بی اے سکھر کے وائس چانسلر آصف شیخ نے جیو نیوز سے ٹیلیفونک گفتگو میں کہا ہے کہ اشتیاق میمن یونیورسٹی امتحانات کے معاملات کو دیکھتے تھے۔ وائس چانسلر نے کہا کہ اشتیاق میمن کا حالیہ ایم ڈی کیٹ امتحانات سے کوئی تعلق نہیں تھا، ہوسکتا ہے اشتیاق میمن حالیہ ایم ڈی کیٹ امتحانات میں صرف انویجیلیٹر رہے ہوں۔
اہم خبریں سے مزید