• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم کل ’اُڑان پاکستان‘ منصوبے کا اعلان کرینگے

آج کا اخبار
اہم خبریں
30 دسمبر ، 2024
اسلام آ باد ( رانا غلام قادر، تنویر ہاشمی ) وزیراعظم شہباز شریف رواں سال کے آخری روز کل یعنی31دسمبر بروز منگل کو اُڑان پاکستان پروگرام کا اعلان کرینگے،برآمدات کا ہدف 60 ارب ڈالر، قومی اقتصادی پلان 2024 سے 2029 تک محیط ، آئی ٹی گریجویٹس کی تعداد میں سالانہ ہزاروں کی تعداد میں اضافہ کیا جائیگا،اڑان پاکستان کا مقصد ملک کو 2035 تک 1000 ارب ڈالرز معیشت کی بنیاد فراہم کرنا ہے، پروگرام کا لوگو بھی تیار کر لیا گیا ،۔حکومتی ذرائع کے مطا بق وزارت منصوبہ بندی نے اُڑان پاکستان کے نام سے 5 سال کا قومی اقتصادی پلان ( National Economic Plan)تیار کیا ہے، یہ قومی اقتصادی پلان 2024 سے 2029 تک محیط ہو گا،ذرائع کے مطابق وفاقی حکومت اس پروگرام کے تحت 2029 تک برآمدات کو سالانہ 60 ارب ڈالرز تک بڑھا نے کا ہدف مقرر کیا گیا ہے، پروگرام کے تحت آئی ٹی گریجویٹس کی تعداد میں سالانہ ہزاروں کی تعداد میں اضافہ کیا جائے گا، اُڑان پاکستان کا مقصد پاکستان کو 2035 تک 1000 ارب ڈالرز معیشت کی بنیاد فراہم کرنا ہے اور اس پروگرام کے تحت شرح خواندگی کو فروغ دیا جا ئے گا اور غربت میں کمی لائی جائے گی۔
اہم خبریں سے مزید