کراچی( ثاقب صغیر )کراچی میں سال 2024میں اسٹریٹ کرائم کے 70ہزار سے زائد واقعات رپورٹ ہوئے، ڈاکوؤں کی فائرنگ سے112شہری قتل اور 400زخمی ہوئے،رواں برس 51ہزار سے زائد گاڑیاں اور موٹر سائیکلیں چھینی اور چوری کی گئیں، 19 ہزار سے زائد موبائل فون چھینے گئے۔تفصیلات کے مطابق رواں برس شہر میں اسٹریٹ کرائم کے 70 ہزار 628 واقعات رپورٹ ہوئے۔جنوری میں اسٹریٹ کرائم کے 7822، فروری میں 7307، مارچ میں 7544، اپریل میں 5688، مئی میں 5399، جون میں 4956، جولائی میں 4998، اگست میں 5901، ستمبر میں 5657، اکتوبر میں 5675، نومبر میں 5142 اور ماہ دسمبر میں اسٹریٹ کرائم کے 4539 واقعات رپورٹ ہوئے۔رواں برس شہر میں ڈاکوؤں کی فائرنگ سے 112 شہری قتل جبکہ 400 زخمی ہوئے۔ رواں برس شہریوں کو 51 ہزار 392 گاڑیوں اور موٹر سائیکلوں سے محروم کیا گیا۔ 266 گاڑیاں چھینی اور 1750 چوری کی گئیں جبکہ 8 ہزار 53 موٹر سائیکلیں چھینی اور 41 ہزار 323 موٹر سائیکلیں چوری کی گئیں۔اس دوران شہریوں کو 19 ہزار 236 موبائل فونز سے محروم کیا گیا۔جنوری میں اسٹریٹ کرائم کی یومیہ شرح 252.3، فروری میں 252، مارچ میں 243.4، اپریل میں 189.6، مئی میں 174.2، جون میں 165.2، جولائی میں 161.2، اگست میں 190.4، ستمبر میں 188.6، اکتوبر میں 183.06، نومبر میں 171.4 اور ماہ دسمبر میں اسٹریٹ کرائم کی یومیہ شرح 156.52 رہی۔
فرمان الہی
نماز کے اوقات
