فرمان الہی
نماز کے اوقات
کراچی ( اسٹاف رپورٹر) میئر کراچی بیرسٹر مرتضیٰ وہاب نے کہا ہے کہ نیا سال کراچی کی تعمیر و ترقی کا سال ثابت ہوگا اور عوام کے دیرینہ مسائل اس سال حل ، شہر ترقی کی راہ پر گامزن ہوگا، کراچی کے کئی ترقیاتی منصوبے تکمیل کے مراحل میں ہیں اور کئی منصوبوں کے ٹینڈرز جاری کئے جاچکے ہیں جن پر کام کا آغاز اس ماہ کے آخر تک شروع ہوگا، ان خیالات کا اظہار انہوں نے باغ ابن قاسم کلفٹن میں ثقافتی پروگرام میں مہمان خصوصی کی حیثیت سے خطاب کرتے ہوئے کیا، سٹی کونسل کے پارلیمانی لیڈر کرم اللہ وقاصی، ڈپٹی پارلیمانی لیڈر دل محمد، پیپلزپارٹی کے مقامی رہنما بھی ان کے ہمراہ تھے، نئے سال کا آغاز ہوتے ہی آتش بازی کا شاندار مظاہرہ کیا گیا جس سے پروگرام میں موجود ہزاروں شہری محظوظ ہوئے، میئر کراچی نے کہا کہ عوام کراچی کو بہتر ہوتا ہوا دیکھنا چاہتی ہے ،انہوں نے کہا کہ ہم سب کو اپنے شہر کی تعمیر و ترقی کے لئے دعاؤں کے ساتھ ساتھ کوششیں بھی کرنی چا ہئیں ، انہوں نے کہا کہ آج کے پروگرام میں مختلف قومیتوں کو لوگ موجود ہیں ، کراچی کے عوام نے پیپلزپارٹی پر جو اعتماد کیا ہے اس پر ہم پورا اتریں گے اور عوام کو مایوس نہیں کریں گے۔
