فرمان الہی
نماز کے اوقات
کراچی(اسٹاف رپورٹر)پریذیڈنٹ ٹرافی گریڈ ون کرکٹ ٹورنامنٹ کے تیسرے راؤنڈ کے پہلے دن پیر کو سعد خان اور س محمد شہزاد کی سنچریاں بنائیں ، حسیب الرحمن نے چھ وکٹ لئے۔ یو بی ایل اسپورٹس کمپلیکس میں ہائر ایجوکیشن کی ٹیم پہلی اننگز میں 140 رنز بناکر آؤٹ ہوگئی۔ حسیب الرحمن نے 48 رنز دے کر6 وکٹیں حاصل کیں۔ کھیل ختم ہونے پر غنی گلاس نے 9 وکٹوں پر 179 رنز بنائے تھے۔ شرجیل خان نے 75 رنز اسکور کیے۔ محمد عزب نے 51 رنز دے کر5 وکٹیں حاصل کیں۔ اسٹیٹ بینک گراؤنڈ میں سرکاری ٹی وی کی ٹیم 335 رنز بناکر آؤٹ ہوگئی۔ محمد شہزاد نے 129 ، تیمور خان نے52 رنز کی اننگز کھیلی۔ روحان قادری ، احمد بشیر اور ارشداللہ نے تین تین وکٹیں حاصل کیں۔ کے آر ایل نے کھیل ختم ہونے پر ایک وکٹ پر 3 رنز بنائے تھے۔ این بی پی اسپورٹس کمپلیکس میں ایس این جی پی ایل 242 رنز بناکر آؤٹ ہوگئی۔ جواب میں ایس این جی پی ایل کے پہلے تین بیٹرز عابدعلی، شاہ زیب خان اور عمیر بن یوسف بغیر کوئی رن بنائے آؤٹ ہوگئے، پانچویں وکٹ 27 پر گری ۔ سعد خان اور عرفات منہاس نے چھٹی وکٹ کی شراکت میں 120 رنز کا اضافہ کیا۔ سعد نے 117 ، عرفات منہاس نے71 رنز کی اننگز کھیلی۔ اسٹیٹ بینک نے کھیل ختم ہونے پر 2 وکٹوں پر 71 رنز بنائے تھے۔
