فرمان الہی
نماز کے اوقات
کراچی (اسٹاف رپورٹر)کینیڈین پولیس کرکٹ ٹیم نے صوبہ سندھ کا دورہ کیا۔ترجمان سندھ پولیس کے مطابق سندھ پولیس اور کینیڈین پولیس کے مابین اتحاد،پولیسنگ کے جملہ امور میں جدت لانا اور صحت مند سرگرمیوں کا فروغ دورے کا مقصد تھا۔سندھ پولیس اور کینیڈین پولیس کرکٹ ٹیم کے درمیان ٹی ٹوئنٹی کرکٹ مقابلہ کا بھی انعقادکیا گیا۔ کینیڈین پولیس نے ٹاس جیت کر پہلے بیٹنگ کا فیصلہ کیا۔کینیڈیں ٹیم نے مقررہ 20 اوورز میں جیت کے لیئے 109 رنز کا ہدف دیا۔جواب میں سندھ پولیس کی ٹیم نے 15 .4 اوورز میں 112 رنز پانچ وکٹوں کے نقصان پر بناتے ہوئے مقابلہ اپنے نام کرلیا۔سندھ پولیس کرکٹ ٹیم نے کینیڈین پولیس کرکٹ ٹیم کو پانچ وکٹوں سے شکست دی۔معین خان کرکٹ اکیڈمی میں ہونیوالےT-20کرکٹ مقابلے میں سابقہ آئی جی سندھ اقبال محمود نے بطور مہمان خصوصی شرکت کی۔اس موقع پر ایڈیشنل آئی جی کراچی جاوید عالم اوڈھو،ڈی آئی جیز عمر شاہد حامد، عاصم خان کے علاوہ ایس ایس پیز سید عرفان بہادر،عمران خان،ملک مرتضیٰ تبسم اور فیضان علی بھی موجود تھے۔
